Wie hebt de introductie en de speerpunten van oons verkiezingsprogramma ok in het Drèents schreven. Dat doewt wie, omdat het Drèents een erkende minderheidstaol is, en omdat wie vindt dat politiek ok in de taol van de streek te lezen wezen mut. As mèensen het in heur eigen taol leest, dan komt het dichterbie en is het vaker beter te begriepen.

Het Hoogeveine is een prachtige gemiente om in te wonen, met sterke dörpen, völ gruun, een riek verenigingsleven en veurzennings waor as aandere gemienten jaloers op bint, van sport tot kultuur en van underwies tot zörge, Het Hoogeveine hef een stevige basis, maor achter dat mooie decor schuilt ok een werkelijkheid waorin niet iederiene gelieke kansen hef, te dure woningen, oplopende kosten, wachtliesten in de zörge en onzeker wark zorgt derveur dat groepen inwonners achterop raakt,

De SP wil dat het Hoogeveine een gemiente is waor iederiene metdoen kan, waor betaalbaor wonen gewoon is, waor zörg mèenselijk en dichtebie is, waor jongelui kunt sporten en leren en waor dörpen leefbaor blieft, een gemiente die betrouwbaar met gemienskapsgeld ummegaot en keuzen maokt die eerlijk bint veur iederiene, in dit programma kiest de SP veur:

• Betaalbaor wonen in elk dörp en in stad, met een zelfbewoningsplicht en echte regie op woningbouw,
• Goeie zörg dichtebie, zunder marktwerking en zunder zörgcowboys, met meer steun veur de wijkteams, de jeugd en de aolderdom,
• Wark en bestaanszekerheid veur iederiene, met steun veur jonge ondernemers, kleine bedrieven en mèensen met een kwetsbare posisie,
• Een centrum dat weer bruust, met anpak van leegstand, divers anböd en grip op horeca en detailhandel,
• Een grune en leefbaore omgeving veur inwonners, boeren en natuur, met aandacht veur dierwelzien en duurzaam boeren,
• Een veilige gemiente, met aandacht veur leefbaarheid in buurten, undermeuning, jongelui en veiligheid achter de veurdeur,
• Sterke dörpen en wieken, met sport, kultuur en veurzennings binnen bereik van iederiene,
• Eerlijk bestuur dat gemienskapsgeld inzet waor het neudig is en helder uutlegt waor keuzen op baseerd bint.

Het Hoogeveine is van ons allemaol, saomen bouwt we an een gemiente waor iederiene zeker wezen kan van een goed bestaan, waor solidariteit centraal steit en waor we nieman laot vallen, dit programma laot zien waor de SP veur steit en welke keuzen wij maakt veur een sociaal, eerlijk en toekomstgericht Hoogeveine.